Bachtyar Ali بەختیار عەلی

وەک پێویستیەکی مێژووی و لە ڕوانینی بە ئەرشیفکردن و سودوەرگرتن لێی لە داهاتوو بە پێویستمان زانی پەڕەیەک وەک گەلەری لێرە بکەینەوە بۆ کۆکردنەوە و هەڵگرتنی وێنەی هەردوو نوسەر بەختیار عەلی و ئاراس فەتاح لە کاتی چالاکیەکانیان لە ڕۆژانی خۆپیشاندانەکانی کوردستان. هەروەها وەک ڕێزێکیش بۆ ئەو فۆتۆگرافەرە خۆبەخشانەی کە ماندونەناسانە دۆکیومێنتی سەرجەم چالاکیەکانیان کردووە بێهیچ بەرامبەرێک٠

تکایە بەشداربن بە ناردنی وێنەکانتان، مافی بڵاوکردنەوەی وێنەکان پارێزراوە بۆ فۆتۆگرافەر و تکایە هیچ کەس و سایت و بڵاوکراوەکان بێ مۆڵەت بەکاریان نەهێنێت وەک ئەرکێکی ئەخلاقی بەرامبەر فۆتۆگرافەرەکان٠

........................................................

وێنەکان

فۆتۆگرافەر: ئەیوب رەئوف
سەرای ئازادی ۲٠۱۱/۳/۱۱

شوێنەکان پێویستیان بەهەوای تازە هەیە

کاتەکان پێویستیان بە ئومێدی تازە هەیە. وەک دەریا کە هەمیشە پێویستی بە شەپۆلی تازە هەیە. وەک شەو کە هەمیشە پیویستی بە ئەستێرەی تازە هەیە. ڕۆژەکان پێویستیان بە تیشکی تازە هەیە. تیشک پێویستی بە ماڵی تازە هەیە ... وەک تۆ ئەزیزم ... وەک تۆ کە پێویستیت بە خەونێکی تر و بە نورێکی تر و بە بایەکی تازە هەیە

ئاسمان پێویستی بە باڵندەی تازە هەیە ... وەک ڕوناکی ... وەک ڕوناکی کەدەیبیینم پێویستی بە چرای تازە هەیە

کەس پێویستی بەقەفەزێکی تر نییە، بەڵکو قەفەزەکان پێویستیان بەدەرگای تر و زنجیرەکان پێویستیان بە چەکوشی تازە هەیە. وەک تینوێتی تۆ ئەزیزم کە پێویستی بە ئاوێکی تر و بە گەروی تازە هەیە

هەوا پێویستی بە سینەی تازە هەیە. قفڵە دێرینەکان پێویستیان بە کلیلی نوێ و زیندان پێویستی بە دەرگای تازە هەیە

وەک تۆ ئەی کەشتی وێڵ .. وەک تۆ ... کە پێویستیت بەدەریای نوێ و بەبەندەری تازە هەیە

بڕۆ ئەی دۆست بڕۆ ... شوێنەکان پێویستیان بە مرۆڤی دیکە و شارەکان پێویستیان بە تیشکی دیکە و خەونەکان پێویستیان بە خەوبینی تازە و مەیدانەکان پێویستیان بە دەستی تازە هەیە

وەک تۆ ... هاوڕێم ... وەک تۆ

کە چاکە لێرەوە نەڕۆیت گەر نازانیت.. ڕێگا پێویستی بە ڕێبواری تازە و گەروو
پێویستی بە هاواری تازە و ڕۆح پێویستی بە هەوای تازە هەیە

۹ - ۳ - ۲٠۱۱